ഒരു ഇടവേള ആവശ്യം എന്ന് തോന്നിയപ്പോള് ആവാം ..കാറ്റും വെളിച്ചവും പൂവും കായും മനുഷ്യരും മൃഗങ്ങളും ഒന്നും ഇല്ലാത്ത ..അല്ല ,,സ്വബോധത്തില് തിരിച്ചറിയാത്ത ഇരുട്ടിലേക്ക് അയാള് ഒളിച്ചോട്ടം നടത്തിയത് ..ഭ്രാന്തനെന്നോ മാനസികരോഗിയെന്നോ വിളിച്ചപ്പോഴും അയാള് തെല്ലും അലോസരപ്പെടാതിരുന്നത്, ഒരുപക്ഷെ അയാള്ക്കുള്ളിലെ ഭ്രാന്തു ആ അന്തകാരത്തെ മറനീക്കി അയാള്ക്ക് മാത്രം കാണുവാന് പാകത്തിന് ഒളിഞ്ഞും തെളിഞ്ഞും അയാള്ക്ക് മുന്നില് കളിച്ചതിനാലാവാം ...ഇപ്പൊള് അയാള് സ്വതന്ത്രന് ആണ് ..പിരിമുറുക്കങ്ങള് ഇല്ല ..ചുറ്റും ഓടി കളിക്കുന്ന നിഴലുകള് ഇല്ല ..ആധികളോ കടപ്പാടുകളോ ബന്ധങ്ങളോ ഇല്ല.... എല്ലാം ഒരു പുക മറക്കുള്ളില് ഒളിപ്പിച്ചു അയാള് മയങ്ങി ....!!!അക്ഷരങ്ങള് വാക്കുകള് ആയോ വരികളായോ കഥകള് ആയോ അലിഞ്ഞിറങ്ങി കടലാസുകളെ നനയിച്ചപ്പോഴും ,അതിനെ ചുരുട്ടിയും മടക്കിയും നിവര്ത്തിയും നാനാവിധം ആക്കിയപ്പോഴും അറിഞ്ഞില്ല ...അറിഞ്ഞിരുന്നില്ല ആ അക്ഷരങ്ങളെ കൂട്ടി ചേര്ത്ത ഒരു ഭ്രാന്തന്റെ വേദനയില് കുതിര്ന്ന ആസക്തി..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
thank you..